dekhaa idhar udhar to ye Thokar lagii mujhe
apanii hii chaap raah kaa patthar lagii mujhe

bha.Dakaa hu_aa thaa sholaa-e-ehasaas is qadar
saharaa kii dhuup saaye se behatar lagii mujhe

taqasiim ho gayaa huu.N mai.n Kairaat kii tarah
duniyaa kisii faqiir kii chaadar lagii mujhe

yuu.N dil bujhaa ke Kuun se uThane lagaa dhuvaa.N
uThate dhuve.n kii lau teraa paikar lagii mujhe

patharaa chalaa hai jism bhii aa.Nkho.n ke saath saath
wo zalb-e-i.ntazaar 'muzaffar' lagii mujhe