ek waadaa hai kisii kaa jo wafaa hotaa nahii.n
waranaa in taaro.n bharii raato.n me.n kyaa hotaa nahii.n

jii me.n aataa hai ulaT de.n unake chehare se naqaab
hausalaa karate hai.n lekin hausalaa hotaa nahii.n

shammaa jisakii aabaruu par jaan de de jhuum kar
wo pata.ngaa jal to jaataa hai fanaa hotaa nahii.n

ek muddat se rah-o-rasm-e-nazaaraa band hai
ab to unakaa tuur par bhii saamanaa hotaa nahii.n