ham ki Thahare ajanabii itanii madaaraato.n ke baad
phir bane.nge aashnaa kitanii mulaaqaato.n ke baad

kab nazar me.n aayegii bedaaG sabze kii bahaar
Kuun ke dhabbe dhule.nge kitanii barasaato.n ke baad

the bahut be-dard Katm-e-dard-e-ishq ke
thii.n bahut besabr subahe.n meharabaa.N raato.n ke baad

dil to chaahaa par shikast-e-dil ne mohalat hii na dii
kuchh gile shikawe bhii kar lete munaajaato.n ke baad

unase jo kahane gaye the 'faiz' jaa.N-sadaqe kiye
anakahii hii rah ga_ii wo baat sab baato.n ke baad