ishq me.n jalate rahe kal jo charaaGo.n kii tarah
zi.ndagii unakii hai ma.nzil ke suraaGo.n kii tarah

ashq aa.Nkho.n me.n chamakate hai.n sitaare ban kar
aur jam jaate hai.n palako.n pe ye daaGo.n kii tarah

mai.n bhii ik taajamahal apanaa banaa_uu.Ngaa kabhii
sochataa rahataa huu.N shaaho.n ke dimaaGo.n kii tarah

usane daanistaa a.ndhero.n me.n mujhe rakhaa hai 'hamiid'
mai.n bhii jalataa rahaa hasarat se charaaGo.n kii tarah