jaam-o-miinaa merii nazaro.n se haTaa de saaqii
ye jo aa.Nkho.n me.n chhalakatii hai pilaa de saaqii

sholaa-e-ishq se chhalakaa de mere shiishe ko
aur betaab ko betaab banaa de saaqii

phir kabhii hosh na aaye to ko_ii baat nahii.n
aaj ham jitanii piye.n utanii pilaa de saaqii

josh-e-mastii me.n bagalagiir ho.n bichha.De huye dil
aaj insaan ko insaan banaa de saaqii

zindagii Kaab-e-musalasal ke siwaa kuchh bhii nahii.n
isakii taabiir to 'darshan' ko bataa de saaqii