kabhii aah lab pe machal ga_ii kabhii ashq aa.Nkh se Dhal gaye
wo tumhaare Gam ke charaaG hai.n kabhii bujh gaye kabhii jal gaye

mai.n Kayaal-o-Kaab kii mahafile.n na ba-kadr-e-shauq sajaa sakaa
terii ik nigaah ke saath hii mere sab iraade badal gaye

kabhii ra.ng me.n kabhii ruup me.n kabhii chhaa.Nv me.n kabhii dhuup me.n
kahii.n aafataab-e-nazar hai.n wo kahii.n maahataab me.n Dhal gaye

jo fanaa huye Gam-e-ishq me.n unhe.n zi.ndagii kaa na Gam hu_aa
jo na apanii aag me.n jal sake wo paraa_ii aag me.n jal gaye

thaa unhe.n bhii merii tarah junuu.N to phir uname.n mujhame.n ye farq kyuu.N
mai.n garift-e-Gam se na bach sakaa wo huduud-e-Gam se nikal gaye