kal raat bazm me.n jo milaa gulabadan saa thaa
Kushbuu se usake lafz the cheharaa chaman saa thaa

dekhaa use to bol pa.De usake Katb-o-khaal
puuchhaa use to chup saa rahaa kam-sukhan saa thaa

tanhaa_iyo.n kii rut me.n bhii lagataa thaa mutama_in
wo shaKs apanii zaat me.n ik a.njuman saa thaa

wo saadagii pahan ke bhii dil me.n utar gayaa
usakii har ik adaa me.n ajab bhol pan saa thaa