kuchh duur hamaare saath chalo ham dil kii kahaanii kah de.nge
samajhe na jise tum aa.Nkho.n se wo baat zabaanii kah de.nge

phuulo.n kii tarah jab ho.nTho.n par ik shoK tabassum bikharegaa
dhiire se tumhaare kaano.n me.n ik baat puraanii kah de.nge

izahaar-e-wafaa tum kyaa samajho iqaraar-e-wafaa tum kyaa jaano
ham zikr kare.nge Gairo.n kaa aur apanii kahaanii kah de.nge

mausam to ba.Daa hii zaalim hai tuufaan uThaataa rahataa hai
kuchh log magar is halachal ko badamast jawaanii kah de.nge