mastaanaa piye jaa yuu.N hii mastaanaa piye jaa
paimaanaa to kyaa chiiz hai mayakhaanaa piye jaa

kar Garq-e-may-o-jaam Gam-e-gardish-o-ayyaam
ai dil-e-naakaam mayakhaanaa piye jaa

mayanoshii ke aadaab se aagaah nahii.n tuu
jis tarah kahe saaqii-e-mayakhaanaa piye jaa

is maqr kii bastii me.n hai mastii hii se hastii
diiwaanaa ban aur baatil-e-diiwaanaa piye jaa

mayakhaane ke ha.ngaame hai.n kuchh der ke mehamaa.N
hai subah qariib 'aKtar' diiwaanaa piye jaa