meraa kyaa thaa tere hisaab me.n meraa saa.Ns saa.Ns udhaar thaa
jo guzar gayaa wo to waqt thaa, jo bachaa rahaa wo Gubaar thaa

terii aarazuu me.n u.De to the, chand Kushk patte chanaar ke
jo hawaa ke dosh se gir pa.Daa, uname.n ek ye Kaakasaar thaa

wo udaas udaas ik shaam thii, ek cheharaa thaa ik charaaG thaa
aur kuchh nahii.n thaa zamiin par, ek aasamaa.N kaa Gubaar thaa

ba.De suufiyo.n se Kayaal the, aur bayaa.N bhii usakaa kamaal thaa
kahaa mai.nne kab ke wahii thaa wo, ek shaKs thaa baadaa-Kaar thaa