ruk jaanaa nahii.n tuu kahii.n haar ke
kaa.NTo.n pe chalake mile.nge saaye bahaar ke
o raahii, o raahii...

suuraj dekh ruk gayaa hai tere aage jhuk gayaa hai
jab kabhii aise koii mastaanaa
nikale hai apanii dhun me.n diivaanaa
shaam suhaanii ban jaate hai.n din i.ntazaar ke
o raahii, o raahii...

saathii na kaaravaa.n hai ye teraa imtihaa.n hai
yuu.N hii chalaa chal dil ke sahaare
karatii hai ma.nzil tujhako ishaare
dekh kahii.n koii rok nahii.n le tujhako pukaar ke
o raahii, o raahii...

nain aa.Nsuu jo liye hai.n ye raaho.n ke diye hai.n
logo.n ko unakaa sab kuchh deke
tuu to chalaa thaa sapane hii leke
koii nahii.n to tere apane hai.n sapane ye pyaar ke
o raahii, o raahii...