mu.ntazir kab se Gair hai terii taqariir kaa
baat kar tujh pe gumaa.N hone lagaa tasaviir kaa

raat kyaa soye ki baakii umr kii nii.nd u.D gayii
Kwaab kyaa dekhaa ki dha.Dakaa lag gayaa taabiir kaa

kaise paayaa thaa tujhe phir kis tarah khoyaa tujhe
mujh saa munkir bhii to qaayal ho gayaa taqadiir kaa

jaane kis aalam me.n tuu bichha.Daa ki hai tere baGair
aaj tak har naqsh fariyaadii merii tahariir kaa

jisako bhii chaahaa ba.Dii shiddat se chaahaa hai 'faraaz'
silasilaa TuuTaa nahii.n hai dard kii za.njiir kaa