nigaah-e-mast-e-saaqii kaa salaam aayaa to kyaa hogaa
agar phir tark-e-taubaa kaa payaam aayaa to kyaa hogaa

haram waale to puuchhe.nge bataa tuu kisakaa bandaa hai
Kudaa se pahale lab par unakaa naam aayaa to kyaa hogaa

mujhe ma.nzuur unase mai.n na boluu.Ngaa magar naaseh
agar unakii nigaaho.n kaa salaam aayaa to kyaa hogaa

mujhe tark-e-talab ma.nzuur lekin ye to batalaa do
ko_ii Kud hii liye haatho.n me.n jaam aayaa to kyaa hogaa

muhabbat ke liye tark-e-ta_alluq hii zuruurii ho
muhabbat me.n agar aisaa makaam aayaa to kyaa hogaa