shauq har ra.ng rakiib-e-sar-o-saamaa.N nikalaa
qais tasviir ke parde me.n bhii uriyaa.N nikalaa

zaKm ne daad na dii ta.ngii-e-dil kii yaa rab
tiir bhii siinaa-e-bismil se par-afshaa.N nikalaa

buu-e-gul naalaa-e-dil duud-d-charaaG-e-mahafil
jo terii bazm se nikalaa so pariishaa.N nikalaa

dil-e-hasaratazadaa thaa maa_il-e-lazaat-e-dard
kaam yaaro.n kaa ba-qadr-e-lab-o-dandaa nikalaa

hai nau-aamoz-e-fan himmat-e-dushwaar pasand
saKt mushqil hai ki yah kaam bhii aasaa.N nikalaa

dil me.n phir giriye ne ik shor uThaayaa 'Gaalib'
aah jo qataraa na nikalaa thaa so tuufaa.N nikalaa