ye jo hai huqm mere paas na aaye ko_ii
isaliye ruuTh rahe hai.n ke manaaye ko_ii

taak me.n hai nigah-e-shauq Kudaa Kair kare
saamane se mere bachataa hu_aa jaaye ko_ii

haal afalaak-o-zabii.n kaa jo bataayaa bhii to kyaa
baat wo hai jo tere dil kii bataaye ko_ii

aapane 'daag' ko mu.Nh bhii na lagaayaa afasos
usako rakhataa thaa kaleje se lagaaye ko_ii

% The following was not in the version I heard

ho chukaa aish kaa jalasaa to mujhe Kat bhejaa
aap kii tarah se mehamaan bulaaye ko_ii