ai maalik tere ba.nde ham
aise ho hamaare karam
nekii par chale.n
aur badii se Tale.n
taaki ha.nsate huye nikale dam

jab zulmo.n kaa ho saamanaa
tab tuu hii hame.n thaamanaa
vo buraaI kare.n
ham bhalaaI bhare.n
nahii.n badale kii ho kaamanaa
ba.Dh uThe pyaar kaa har kadam
aur miTe bair kaa ye bharam
nekii par chale.n ...

ye a.ndheraa ghanaa chhaa rahaa
teraa inasaan ghabaraa rahaa
ho rahaa bekhabar
kuchh na aataa nazar
sukh kaa suuraj chhipaa jaa rahaa
hai terii roshanii me.n vo dam
jo amaavas ko kar de puunam
nekii par chale.n ...

ba.Daa kamazor hai aadamii
abhii laakho.n hai.n isame.n kamii.n
par tuu jo kha.Daa
hai dayaaluu ba.Daa
terii kR^ipaa se dharatii thamii
diyaa tuune jo hamako janam
tuu hii jhelegaa ham sabake Gam
nekii par chale.n ...