##hmm## ... 

tum puuchhate ho ishq balaa hai ke nahii.n hai 
kyA jaane tumhe.n khauf-e-khudaa hai ke nahii.n hai 

jiine kA hunar sabako sikhaataa hai yahii ishq 
insaan ko insaan banaataa hai yahii ishq 
bande ko khudaa karake dikhataa hai yahii ishq 
is ishq kii tauhiin Kataa hai ke nahii.n hai 

maanaa hai ba.DI dard bharii ishq ki ruudaad 
hotI nahii.n miTakar bhI mohabbat kabhI barabaad 
har daur me.n majanuu hue, har daur me.n farahaad 
har saaz me.n aaj unakii sadA hai ke nahii.n hai 

Gam phuulane-phalane kA bhulaakar kabhI dekho 
sar ishq ke qadamo.n pe jhukaakar kabhI dekho 
gharabaar mohabbat me.n luTaakar kabhI dekho 
khone me.n bhI paane kA mazaa hai ke nahii.n hai 

jab ho hii gayaa pyaar to sa.Nsaar kA Dar kyaa 
hai kaun bhalaa kaun buraa, isakii khabar kyaa 
dil me.n nA utar jaaye to ulfat ki nazar kyaa 
ham dil ke pujaarii hai.n pataa hai ke nahii.n hai