% Here is a Rafi solo from 'Tere Ghar ke Saamne'.  
%
% Dev walks on the rain-drenched streets looking for Nutan and
% finally she comes out in the balcony of her house..
%
% Have a nice day!
%
% bye
% satish
%
tuu kahaa.N,  ye bataa,  is nashiilii raat me.n
maane naa meraa dil diivaanaa
haay re ... maane naa meraa dil diivaanaa

he ... ba.Daa naTakhaT hai samaa   - 2
har nazaaraa hai javaa.N
chhaa gayaa chaaro.n taraf,  merii aaho.n kaa dhuaa.N
dil meraa, merii jaa.N, naa jaanaa ... tuu kahaa.N ...

o o ... aaii jab Tha.nDii havaa   - 2
maine puuchhaa jo pataa
vo bhii kataraake gaI, aur bechain kiyaa
pyaar se, tuu mujhe, de sadaa ... tuu kahaa.N ...

he ... chaa.nd taaro.n ne sunaa   - 2
in bahaaro.n ne sunaa
dard kaa raag meraa,  rahaguzaaro.n ne sunaa
tuu bhii sun, jaaneman, aa bhii jaa  ... tuu kahaa.N ...

o o ... pyaar kaa dekho asar   - 2
aae tum thaame jigar
mil gaI aaj mujhe,  merii manachaahii Dagar
kyuu.N chhupaa, ek jhalak, phir dikhaa  ... tuu kahaa.N ...