yaad aa rahii hai, terii yaad aa rahii hai
yaad aane se, tere jaane se, jaan jaa rahii hai

pahale ye na jaanaa, tere baad ye jaanaa pyaar me.n
jiinaa mushkil kar degaa, ye dil dIvaanaa pyaar me.n
jaane kaise, saa.Ns ye aise, aa jaa rahii hai
yaad aa rahii hai  ...

ye rut kii ra.ngaraliyaa.n, ye phuulo.n kii galiyaa.n ro pa.Dii.n
meraa haal sunaa to, mere saath ye kaliyaa.n ro pa.Dii.n
ek nahii.n tuu, duniyaa aa.NsU, barasaa rahii hai
yaad aa rahii hai  ...

banate banate dulhan, priit hamaarii ulajhan ban gaI
mere dil kii dha.Dakan, merii jaan kii dushman ban gaI
kuchh kah kahake, mujhe rah rahake, ta.Dapaa rahii hai
yaad aa rahii hai  ...