##Prelude##
jo teraa pyaar na milataa to kyuu.N jiye hote
sadaa hii maut kii ham aarazuu kiye hote
milaa thaa ek hii dil vo bhii de diyaa tujhako
hazaar dil bhii jo hote tere liye hote

##After a brief dialogue and some dance music, the song starts##

(merii majabuuriyo.n pe jahaa.N chup rahaa
yah zamii.n chup rahii aasamaa.N chup rahaa) -2

(waqt par kaam aa_ii na apanii zubaa.N
kaun kahataa mere dard kii daastaa.N) -2
hamasafar chup rahe kaaravaa.N chup rahaa
yah zamii.n chup rahii aasamaa.N chup rahaa

merii majabuuriyo.n pe ...

(jab muhabbat kii duniyaa miTaa_ii ga_ii
aasamaa.N tak bhii merii duhaa_ii ga_ii) -2
meraa maalik, meraa raazadaa.N chup rahaa
yah zamii.n chup rahii aasamaa.N chup rahaa

merii majabuuriyo.n pe ...