% Asha solo version

jiine de ye duniyaa chaahe maar Daale
log ham niraale pyaar karane vaale

kaaGaz pe kuchh ho likhaa to miTaa duu.N
saudaa kiyaa ho to qiimat chukaa duu.N
dekhaa ho sapanaa to sapanaa bhulaa duu.N
kaise bhulaa duu.N tumhe.n yaad aane vaale
log ham niraale pyaar karane vaale ...

gajaraa khulaa thaa kajaraa bahaa thaa
kal raat mujhako tuu yaad aa rahaa thaa
aa.Nkho.n me.n bas jaa mai.nne kahaa thaa
ye kab kahaa thaa ke nii.nde.n churaa le
log ham niraale pyaar karane vaale ...

% Asha - Manmohan Singh duet version

jiine de ye duniyaa chaahe maar Daale
log ham niraale pyaar karane vaale

aa: ho.nTho.n pe vaade aa.Nkho.n me.n qasame.n
bhuulii hame.n saarii duniyaa kii rasame.n
kuchh bhii rahaa naa ab apane bas me.n
dil jaan sab kuchh hai tere hawaale
log ham niraale pyaar karane vaale ...

ma: vo beqaraarii hai mushkil hai jiinaa
ban jaa tuu kaalii ghaTaa o hasiinaa
aa jaa_e saavan kaa rim jhim mahiinaa
bikharaa de zulfo.n ke baadal ye kaale
log ham niraale pyaar karane vaale ...

ma: diipak pata.ngaa jalate rahe.nge
girate rahe.nge sa.Nbhalate rahe.nge
aa: ham dil kii raaho.n pe chalate rahe.nge
pa.D jaa_e chaahe paa.Nvo.n me.n chhaale
log ham niraale pyaar karane vaale ...