(kaarii kaarii a.Ndhiyaarii raat me.n
kaare kaare baadaravaa chaa_e
aise me.n kahii.n meraa chaa.Nd
nikal aa_e to mazaa aa_e) -2

(mere man me.n chaa_ii udaasii re
mai.n piyaa milan kii pyaasii re) -2
mai.n kab se kha.Dii huu.N raah me.n
naino.n ke diip jalaaye
aise me.n kahiin meraa chaa.Nd
nikal aa_e to mazaa aa_e

kaarii kaarii a.Ndhiyaarii ...

(bhar aa_ii a.Nkhiyaa.n morii re
chandaa se duur chakorii re) -2
mai.n birahan kaaT sakuu.N pal chhin
hR^iday me.n aas lagaa_e
aise me.n kahii.n meraa chaa.Nd
nikal aa_e to mazaa aa_e

kaarii kaarii a.Ndhiyaarii ...