ek hii baat zamaane kii kitaabo.n me.n nahii.n
jo Gam-e-dost me.n nashshaa hai sharaabo.n me.n nahii.n


husn kii bhiikh na maa.Nge.nge, na jalwo.n kii kabhI
ham faqiiro.n se milo khul ke, hijaabo.n me.n nahii.n


har jagah phirate hai.n aawaaraa Kayaalo.n kii tarah
ye alag baat hai ham aapake Kwaabo.n me.n nahii.n

na Dubo saaGar-o-miinaa me.n ye Gam, ai 'faakir'
ki maqaam inakaa dilo.n me.n hai, sharaabo.n me.n nahii.n