daur-e-Kizaa.N thaa dil ke chaman me.n
ko_ii aaj banake bahaar aa gayaa hai
tanhaa_iyaa.N thii.n viiraaniyaa.N thii.n 
ko_ii aaj leke qaraar aa gayaa hai

ko_ii dilakashii thii naa ko_ii Kushii thii
ba.Dii kashmakash me.n ye zi.ndagii thii
tum aa ga_e jo sar-e-shaam dil ko
aaj un Kayaalo.n pe pyaar aa gayaa hai

ye kahate rahe dil me.n shab-e-Gam ke saaye
chiraaG-e-tamannaa ko_ii to jalaaye
yuu.N chaa.nd chamakaa nayaa nuur lekar
umango.n pe jaise nikhaar aa gayaa hai

daur-e-Kizaa.N thaa dil ke chaman me.n