ba.Daa hasiin hai ab ke bahaar kaa mausam
bahak na jaae kahii.n intazaar kaa mausam
baDaa hasiin hai ...

gulo.n ko chuum ke baad-e-sabaa nahii.n lauTii
ise mai.n kaise kahuu.N aitabaar kaa mausam
bahak na jaae kahii.n intazaar kaa mausam
ba.Daa hasiin hai ...

chale bhii aao ke bhiige.nge ab ke saawan me.n
machal rahaa hai abhii aabashaar kaa mausam
bahak na jaae kahii.n intazaar kaa mausam
ba.Daa hasiin hai ...

jahaa.N me.n jab kahii.n rut baa.NTane kii baat chale
hamaare naam likhaa jaae yaar kaa mausam
bahak na jaae kahii.n intazaar kaa mausam
ba.Daa hasiin hai ...