giitaayan An Interface to ISB

##Breathless## ... koii jo milaa to mujhe - Breathless (Non-film)  

Lyrics: Javed Akhtar | Music: Shankar Mahadevan | Singer(s): Shankar Mahadevan 
View in Nagari (Hindi)
ko_ii jo milaa to mujhe aisa lagataa thaa jaise merii saarii duniyaa me.n giito.n kii rut aur ra.ngo.n kii barakhaa hai Kushabuu kii aa.Ndhii hai mahakii hu_ii sii ab saarii fizaa_e.N hai.n bahakii hu_ii sii ab saarii hawaa_e.N hai.n kho_ii hu_ii sii ab saarii dishaa_e.N hai.n badalii hu_ii sii ab saarii adaa_e.N hai.n jaagii uma.nge.n hai.n dha.Dak rahaa hai dil saa.Nso.n me.n tuufaa.N hai ho.nTho.n pe naGame.n hai.n aa.Nkho.n me.n sapane hai.n sapano.n me.n biite hu_e saare wo lamhe hai.n jab ko_ii aayaa thaa dil me.n samaayaa thaa kaise mai.n bataauu.N tumhe kaisaa use paayaa thaa pyaar se chehare pe bikharii jo zulfe.n to aisa lagataa thaa jaise kohare ke piichhe ik os me.n dhulaa hu_aa phuul khilaa hai jaise baadal me.n ek chaa.Nd chhupaa hai aur jhaa.Nk rahaa hai jaise raat ke parde me.n ek saveraa hai roshan roshan aa.Nkho.n me.n sapano.n kaa saagar jisame.n prem sitaaro.n kii chaadar jaise jhalak rahii hai laharo.n laharo.n baat kare.n to jaise motii barase jaise kahii.n chaa.Ndii kii paayal guu.Nje jaise kahii.n shiishe ke jaam gire.n aur chhan se TuuTe.n jaise ko_ii chhupake sitaar bajaa_e jaise ko_ii chaa.Ndanii raat me.n gaa_e jaise ko_ii haule se paas bulaa_e kaisii miiThii baate.n thii.n wo kaisii mulaakaate.n thii.n wo jab mai.nne jaanaa thaa nazaro.n se kaise pighalate hai.n dil aur aarazuu paatii hai kaise ma.nzil aur kaise utarataa hai chaa.Nd zamii.n par kaise kabhii lagataa hai swarg agar hai to bas hai yahii.n par usane bataayaa mujhe aur samajhaayaa mujhe ham jo mile hai.n hame.n aise hii milanaa thaa gul jo khile hai.n unhe.n aise hii khilanaa thaa janmo.n ke ba.ndhan, janmo.n ke rishte hai.n jab bhii ham janme to, ham yahii.n milate hai.n kaano.n me.n jaise mere shahad se ghulane lage Kwaabo.n ke dar jaise aa.Nkho.n me.n khulane lage Kwaabo.n kii duniyaa bhii kitanii hasii.n aur kaisii ra.ngii.n thii Kwaabo.n kii duniyaa jo kahane ko thii par kahii.n bhii nahii.n thii Kwaab jo TuuTe mere aa.Nkhe.n jo khulii.n merii hosh jo aayaa mujhe mai.nne dekhaa, mai.nne jaanaa wo jo kabhii aayaa thaa nazaro.n pe chhaayaa thaa dil me.n samaayaa thaa jaa bhii chukaa hai aur dil meraa ab hai tanhaa tanhaa na to ko_ii aramaa.N hai na ko_ii tamannaa hai aur na ko_ii sapanaa hai ab jo mere din aur ab jo merii raate.n hai.n uname.n sirf aa.Nsuu hai.n uname.n sirf dard kii ra.nj kii baate.n hai.n aur fariyaade.n hai.n meraa ab ko_ii nahii.n mai.n huu.N aur kho_e hu_e pyaar kii yaade.n hai.n (3)
View the source file of the song for comments and contributor information.

Home - Submit a Song - Recently Posted Songs


vinay p jain. march 2013. giitaayan at gmail dot com. Disclaimer. ISB Copyright Notice.