tuu kisii ke dil kaa dard miTaa
kisii kaa bujhataa diip jalaa
ho tere ghar diivaalii (sun le baat niraalii) -2

chamak rahe hai.n sadiyo.n se ye (suuraj chaa.Nd sitaare) -2
nis baa.NTe duniyaa ko phir bhii (kam na ho ujiyaare) -2
ho, dukhiyo.n kii pii.Daa har le nirdhan kii jholii bhar de
ho jeb na terii Kaalii (sun le baat niraalii) -2 

sur se sur milate hii guu.Nje (giit madhur matavaale) -2
aur in giito.n me.n kho jaa_e.N (duniyaa ke dukh saare) -2
ho, man se man ko milaataa jaa diip se diip jalaataa jaa
ho ghar ghar me.n diivaalii (sun le baat niraalii) -2