ko_ii duur bajaaye baa.Nsurii 
chhe.De dil ke taar, raat hai milane kii
jaaguu.N ab tak mai.n baavarii 
soye sab sa.nsaar, raat hai milane kii

tan kii sudh bisaraaye more man kaa chain churaaye
aag lage ye bairan man ke soye dard jagaaye
tarasaaye sukh kii chaa.Ndanii 
tarase ghaayal pyaar, raat hai milane kii

jo saajan ke paas hai.n unako ye rut hii kal laage
jisakaa priitam dukh de chalaa vo naa soye naa jaage 
chhalake nainan ki gaagarii  
man se uThe pukaar raat hai milane kii