apanii aazaadii ko ham haragiz miTaa sakate nahii.n
sar kaTaa sakate hai.n lekin sar jhukaa sakate nahii.n

hamane sadiyo.n me.n ye aazaadii kii nemat paaii hai
saika.Do.n qurabaaniyaa.N dekar ye daulat paaii hai
muskaraakar khaaii hai.n siino.n pe apane goliyaa.N
kitane viiraano.n se guzare hai.n to jannat paaii hai
Kaak me.n ham apanii izzat ko milaa sakate nahii.n

kyaa chalegii zulm kii ahale vafaa ke saamane
jaa nahii.n sakataa koii sholaa havaa ke saamane
laakh fauje.n le ke aaii aman kaa dushman koii
ruk nahii.n sakataa hamaarii ekataa ke saamane
ham vo patthar hai.n jise dushman hilaa sakate nahii.n

vaqt kii aazaadii ke ham saath chalate jaae.nge
har qadam par zi.ndagii kaa ruK badalate jaae.nge
gar vatan me.n bhii milegaa koI gaddaar-e-vatan
apanii taaqat se ham usakaa sar kuchalate jaae.nge
ek dhokhaa khaa chuke hai.n aur khaa sakate nahii.n