denewaale kisii ko Gariibii na de
maut de de magar badanasiibii na de
denewaale ...

hue paidaa Gariib hai ye kisakii Kataa
ham ko duniyaa me.n kyuu.N tuune laayaa bataa
kyuu.N hai chup, kuchh bataa, kuchh bataa
denewaale ...

chhiin lii har Kushii aur kahaa ki "na ro"
Gam hazaaro.n diye, dil bhii dene ke saath
karake sau-sau sitam Kush na ho
denewaale ...

chho.D kar ye jahaa.N, bol jaae.N kahaa.N
koii GamaKwaar hai, na koii maharabaa.N
Kud kahe.n, Kud sune.n daastaa.N daastaa.N
denewaale ...