apano.n ko kab he shyaam
apano.n ko kab he shyaam mukh dikhalaaoge
aise me.n aaye na phir kab aaoge
( ekal vekal pa.nth nihaare ) 2
tumhare daras ko pyaase tamaam
ki din se ho ga_ii shaam
aao kanhaaii mere dhaam
ki din se ho ga_ii shaam

ban me.n aur bastii me.n dekhaa hai chahu.N or
tab tumase baa.Ndhii hai aashaao.n kii Dor
( ab ulajhaao yaa sulajhaao ) 2
aan pa.Daa hai tumase hii kaam
ki din se ho ga_ii shaam
aao kanhaaii mere dhaam
ki din se ho ga_ii shaam

is man me.n aa jaao naino.n ke paT khol
saa.Nso.n me.n dha.Dakan me.n mohan tumhare bol
( tumako nahii.n to kisako pukaaruu.N ) 2
mujhako to aaye ek hii naam
ki din se ho ga_ii shaam
aao kanhaaii mere dhaam
ki din se ho ga_ii shaam

aao kanhaaii mere dhaam
ki din se ho ga_ii shaam