kuchh aur puuchhiye ye haqiiqat na puuchhiye
kyuu.N aapase hai hamako muhabbat na puuchhiye

sajado.n se tay muqaam-e-muhabbat na ho sakaa
kyaa-kyaa huii hai sar ko nadaamat na puuchhiye
(nadaamat : ##repentance##)

dono.n hii bhuul jaane ke qaabil hai.n ishq me.n
afasaanaa-e-majaaz-o-haqiiqat na puuchhiye

"taskii.n" ye jaan-o-dil the hame.n bhii kabhii aziiz
ab zi.ndagii hai kisakii badaulat na puuchhiye