lataa: 
tuu mohan meraa-2 mai.n muralii terii
apane praaNo.n kii saragam sunaauu.Ngii-2
tore ho.nTho.n se lag-lag jaauu.Ngii

koras: tuu mohan meraa-2

lataa:
(bahe jamunaa kii jab tak dhaaraa
nahii.n chhuuTe ye saath hamaaraa)-2
tuu diipak meraa-2 mai.n baatii terii
apane jiivan kii jyot jagaauu.Ngii
tore praaNo.n me.n ghul mil jaauu.Ngii

koras: tuu mohan meraa-2

lataa:
(ye  madhur milan kii raate.n
ye ras kii bharii barasaate.n)-2
tuu baadal meraa-2 mai.n bijalii terii
apane man kii ta.Dap dikhalaauu.Ngii
tore hiraday me.n chhup chhup jaauu.Ngii

koras: tuu mohan meraa-2

lata:
(ye chandaa hai jab tak pyaaraa
rahe haatho.n me.n haath hamaaraa)-2
tuu saagar meraa-2 mai.n saritaa terii
apane jiivan kii bhe.nT cha.Dhaauu.Ngii
torii laharo.n se mil mil jaauu.Ngii

koras: tuu mohan meraa-2