( aisaa na ho ki in waadiyo.n me.n 
mai.n kho jaauu.N ) - 2
aur tum mujhe Dhuu.NDhaa karo
aur mai.n kabhii mil na paauu.N
aisaa na ho ki in waadiyo.n me.n 
mai.n kho jaauu.N

( aaii agar mujhako nazar
jhiilo.n ke jhilamil darpan me.n tum ) - 2
milane gale jaauu.Ngaa mai.n
kho jaauu.Ngaa jalawo.n me.n gum
aur tum mujhe aawaaz do
lauTakar mai.n na aauu.N
aisaa na ho ki in waadiyo.n me.n 
mai.n kho jaauu.N

( ye dhu.ndh kyaa jaise dhuaa.N
merii hii aaho.n se paidaa huaa ) - 2
aashiq huu.N mai.n wo dilajalaa
lekin tumhii pe shaidaa huaa
dekhaa karo chaaro.n taraf
aur mai.n kahii.n chhup na jaauu.N
aisaa na ho ki in waadiyo.n me.n 
mai.n kho jaauu.N

aur tum mujhe Dhuu.NDhaa karo
aur mai.n kabhii mil na paauu.N
aisaa na ho ki in waadiyo.n me.n 
mai.n kho jaauu.N
mai.n kho jaauu.N
mai.n kho jaauu.N