matavaalepane se jo Kataa jhuum pa.Dii hai
chhaatii se dhuaa.N uThaa hai jo buu.Nd pa.Dii hai

haa.N aur sunaa kuchh vo buraa ho ki bhalaa ho
are jo baat tere mu.Nh kii hai, motii kii la.Dii hai

rahanaa nahii.n is desh me.n, jaa_uu.N to kidhar jaa_uu.N
rastaa hai kaThin, os ka.De, dhuup ka.Dii hai

vo bhii koii jiinaa hai, duHkho.n se jo bharaa ho
hai saa.Ns ki ik phaa.Ns kaleje me.n ga.Dii hai

haa.N bedha.Dak ai aarazuu ab kah do Karii baat
rassii bhii yahii.n rakhii hai, suulii bhii kha.Dii hai