mere hamanafas, mere hamanavaa, mujhe dost ban ke daGaa na de
mai.n huu.N dad.r-e-ishq se jaa.N-b-lab, mujhe zi.ndagii kii duaa na de

mere daaG-e-dil se hai raushanii, us raushanii se hai zi.ndagii
mujhe Dar hai ai mere chaaraaGar, ye charaaG tuu hii bujhaa na de

mujhe chho.D de mere haal par, teraa kyaa bharosaa hai chaaraaGar
ye terii navaazish-e-muqtasar, mera dad.r aur ba.Dhaa na de

meraa hazm itanaa buland hai ki paraaye sholo.n kaa Dar nahii.n
mujhe Kauf aatish-e-gul se hai, ye kahii.n chaman ko jalaa na de

vo uThe hai.n leke hom-o-subuu, are o shaqiil kahaa.N hai tuu
teraa jaam lene ko bazm me.n koi aur haath ba.Dhaa na de