suniyo araj hamaarii prabhujii
suniyo araj hamaarii
duniyaa kii is bharii sabhaa mein
rakhiyo laaj muraarii
suniyo araj hamaarii   ...

to.D diyaa a.ndhe haathon ne raam naam ka pyaalaa
jal ke raakh huii re kaanhaa bhakto.n kii madhushaalaa
suniyo araj hamaarii   ...

paap ke mandir nis din banate jhuuT kii ga.ngaa bahatii
dham.r kii aa.Nkhe.n andhii ho gayii.n puujaa ho gayii sastii
suniyo araj hamaarii   ...

har man me.n tum base hue ho jaane ye sa.nsaarii
aas milan kii janam janam tak phir bhii rahe ku.Nvaarii
suniyo araj hamaarii   ...