sab: zaraa sun lo ham apane pyaar kaa afasaanaa kahate hai.n
     hame.n ye duniyaavaale aapakaa diivaanaa kahate hai.n
     zaraa sun lo   ...
l:   aa~ hame.n to kaam hai bas chuupake-chuupake yaad karane se
     muhabbat kaa mazaa aataa nahii.n fariyaad karane se
     jo khaamoshii se jal jaae use paravaanaa kahate hai.n (2)
     use paravaanaa kahate hai.n ajii paravaanaa kahate hai.n
     jo khaamoshii se jal jaae use paravaanaa kahate hai.n

sab: zaraa sun lo   ...

raa: aa~ kisii ke pyaar kii khaatir zamaane ko bhuulaayaa hai
     jinhe.n apanaa banaane ke lie sab kuchh luuTaayaa hai
     qayaamat hai ke vo ab tak hame.n begaanaa kahate hai.n (2)
     hame.n begaanaa kahate hai.n ajii begaanaa kahate hai.n
     qayaamat hai ke vo ab tak hame.n begaanaa kahate hai.n

sab: zaraa sun lo   ...

la:  aa~ idhar bhii dekhakar ek baar saahib muskuraa denaa
     aa~ tumhaarii ek nazar kaa kaam hai paagal banaa denaa
     jise diivaanaa tum kah do use diivaanaa kahate hai.n (2)
     use diivaanaa kahate hai.n ajii diivaanaa kahate hai.n
     jise diivaanaa tum kah do use diivaanaa kahate hai.n

sab: zaraa sun lo   ...

?:   aa~ jahaa.N ke kuuche-kuuche me.n pataa puuchhaa teraa hamane
     kahaa logo.n ne diivaanaa to yuu.N ha.Nsakar kahaa hamane
     muhabbat karanevaale ko sabhii diivaanaa kahate hai.n (2)
     sabhii diivaanaa kahate hai.n ajii diivaanaa kahate hai.n
     muhabbat karanevaale ko sabhii diivaanaa kahate hai.n

sab: zaraa sun lo   ...

l:   aa~ jise dekho zamaane me.n kisii se pyaar karataa hai
     kahii.n bhau.nraa taDapataa hai kahii.n paravaanaa jalataa hai
     hazaaro.n kahanevaale ek hii afasaanaa kahate hai.n (2)
     ajii afasaanaa kahate hai.n ajii afasaanaa kahate hai.n
     hazaaro.n kahanevaale ek hii afasaanaa kahate hai.n

sab: zaraa sun lo ham apane pyaar kaa afasaanaa kahate hai.n
     hame.n ye duniyaavaale aapakaa diivaanaa kahate hai.n
     zaraa sun lo   ...