jaane vaale teraa Kudaa haafiz
aaj meraa salaam letaa jaa
mere dil kaa payaam letaa jaa
jaane vaale teraa Kudaa haafiz   ...

mai.n terii Kaak huu.N mere raahii
mujhako bhii saath saath aane de
iltajaa hai ki raah me.n apanii
aaj palake.n bichhaane de
mujhase utanaa to kaam letaa jaa
jaane vaale teraa Kudaa haafiz   ...

al_vidaa jaan-e-aarazuu tujhako
Gam ke maare salaam kahate hai.n
ye luTe ghar, ye pyaar kii galiyaa.N
ye nazaare salaam kahate hai.n
yaad_Gaare.n tamaam letaa jaa
jaane vaale teraa Kudaa haafiz   ...

saa.Ns jab tak hai mere siine me.n
mai.n teraa i.ntazaar kar luu.Ngii
khush rahe tuu ye hai duaa merii
mai.n to Gam se bhii pyaar kar luu.Ngii
pyaar kaa tuu bhii naam letaa jaa
jaane vaale teraa Kudaa haafiz   ...