maiyaa morii, mai.n nahii.n maakhan khaayo
kahat sunat me.n aakar kaahe jhuuThaa dosh lagaayo
ri maiyaa morii, mai.n nahii.n maakhan khaayo

yamunaa ke taT par gvaal ban sa.ng chaar sahaar mai.n khelaa
gaiyyaa charaavat ba.nsii bajaavat saa.Njh kii belaa
bhuuk lagii to dau.Dat dau.Dat siidhaa mai.n ghar aayo
maiyaa morii mai.n nahii.n maakhan khaayo   ...

na koii mai.n ne maTakii pho.Dii na koii kii hai chorii
jaan liyaa kyo.n mujhako jhuuThaa tuune maiyya morii
apane a.ng ko kaise samajhaa tuune aaj paraayo
maiyaa mori mai.n nahii.n maakhan khaayo   ...

mai.n to baabaa nand ke laalaa, kaahe chor kahaa_uu.N
apane ghar me.n kaun kamii jo baahar maakhan khaa_uu.N
baat sunii to maataa yashodaa, ha.Nsakar ka.nTh lagaayo
phir bolii
tuu nahii.n maakhan khaayo
re kR^ishhNaa more, tuu nahii.n maakhan khaayo