merii tamannaa_o.n kii taqadiir tum sa.Nvaar do
pyaasii hai zi.ndagii aur mujhe pyaar do

saaraa gagan maNDap hai saaraa jag baraatii
man ke phere sachche sachche hai.n ham saathii
laaj kaa ye ghuu.NghaT paT aaj to utaar do
pyaasii hai zi.ndagii   ...

dharatii karavaT badale, badale har mausam
priit ke pujaarii hai.n badale.nge nahii.n ham
patajha.D saa jiivan hai, pyaar kii bahaar do
pyaasii hai zi.ndagii   ...