duniyaa kare savaal to ham kyaa javaab de.n
tumako na ho Kayaal to ham kyaa javaab de.n
duniyaa kare savaal   ...

puuchhe koii ki dil ko kahaa.N chho.D aaye hai.n
kis kis se apanaa rishtaa-e-jaa.N to.D aaye hai.n
mushakil ho arz-e-haal to ham kyaa javaab de.n
tumako na ho Kayaal to   ...

puuchhe koii ki dard-e-vafaa kaun de gayaa
raato.n ko jaagane kii sazaa kaun de gayaa
kahane se ho malaal to ham kyaa javaab de.n
tumako na ho Kayaal to   ...