rahaa gardisho.n me.n haradam mere ishq kaa sitaaraa
kabhii Dagamagaayii kashtii, kabhii luT gayaa kinaaraa

koii dil kaa khel dekhe, ki muhabbato.n kii baazii
vo qadam qadam pe jiite, mai.n qadam qadam pe haaraa

ye hamaarii badanasiibii jo nahii.n to aur kyaa hai
ki usii ke ho gaye ham, jo na ho sakaa hamaaraa

pa.De jab Gamo.n ke paale, rahe miTake miTanevaale
jise maut bhii na puuchhaa, use zi.ndagii ne maaraa