beraham aasamaa.N merii ma.nzil bataa hai kahaa.N

mujhase qisamat ne dhokhaa kiyaa
har qadam pe nayaa Gam diyaa
hai khushii kii qasam ki yahaa.N
chain kaa saa.Ns tak na liyaa
bujh gayaa dil meraa
raas aayaa na teraa jahaa.N
beraham aasamaa.N ...

terii duniyaa.N me.n yuu.N ham jiye
aa.Nsu_o.n ke samundar piye
dil me.n shiqave ta.Dapate rahe
ho.nTh lekin hameshaa siye
kab talaq ham rahe.n
terii duniyaa.N me.n yuu.N bezubaa.N
beraham aasamaa.N ...

ab koii bhii tamannaa nahii.n
ab yahaa.N ham ko jiinaa nahii.n
zi.ndagii ab tere jaam se
ek qataraa bhii piinaa nahii.n
maut ko bhej ke
khatm kar de merii dastaa.N
beraham aasamaa.N ...