dastuur ibaadat kaa duniyaa se niraalaa ho
ik haath me.n maalaa ho ik haath me.n pyaalaa ho

puuje.nge saliiqe se a.ndaaz magar apanaa
ho yaad-e-Khudaa dil me.n saaqii ne sambhaalaa ho

mastii bhii taqaddus bhii ek saath chale dono.n
ik simT ho maiKhaanaa ik simT shivaalaa ho

masjid kii taraf se tuu jaanaa na kabhii saaqii
zaahid bhii kahii.n teraa na chaahane_vaalaa ho

voh Duub kar mar jaaye.n madiraa kii suraahii me.n
maashuq ne gar dil kii mahafil se nikaalaa ho

%