ab ra.nj se khushii se bahaar-o-Kizaa se kyaa
mahv-e-Kayaal yaar hai.n ham ko jahaa.N se kyaa

unakaa Kayaal unakii talaB unakii aarazuu
jis dil me.n vo ho, maa.Nge kisii maharabaa.N se kyaa

ham ne chiraaG rakh diyaa tuufaa.N ke saamane
piichhe haTegaa ishq kisii imtahaa.N se kyaa

koii chale chale na chale ham to chal pa.De
ma.nzil kii dhun ho jisako use kaaravaa.N se kyaa

ye baat sochane kii hai vo ho ke maharabaa.N
puuchhe.nge haal-e-dil to kahe.nge zabaa.N se kyaa