tere dar pe aayaa huu.N fariyaad le kar
zubaa.N par Gam-e-dil kii ruudaad le kar
tere dar pe aayaa ...
pareshaan hai dil gha.Dii bhar ko aa jaa
zaraa merii sun jaa aur apanii sunaa jaa
kahaa.N jaa_uu.N mai.n haal-e-barabaad le kar
tere dar pe aayaa ...
mere dard-e-dil se nahii.n bekhabar tuu
bane merii qisamat jo kar de nazar tuu
muhabbat ke naakaamiyaa.N chhaa rahe.n hai.n
ummiido.n kii kaliyaa.N murajhaa gayii.n hai.n
kahii.n mar na jaa_uu.N terii yaad le kar
tere dar pe aayaa ...
|