Gam-e-aashiqii se kah do raah-e-aam tak na pahu.Nche
mujhe Kauf hai ye tohamat mere naam tak na pahu.Nche

mai.n nazar se pii rahaa thaa to ye dil ne bad-duaa dii
teraa haath zi.ndagii bhar kabhii jaam tak na pahu.Nche

ye aadaa-e-beniyaazii tujhe bevafaa mubaarak
magar aisii berukhii kyaa ki salaam tak na pahu.Nche

vahii ik khaamosh naGamaa hai 'shakeel' jaan-e-hastii
jo zubaan tak na aaye jo kalaam tak na pahu.Nche