gamzaa paikaan huaa jaataa hai
dil kaa ar_maan huaa jaataa hai
 
dekh kar ulajhii huii zulf un kii
dil pareshaan huaa jaataa hai
 
terii vah_shat kii badaulat-e-dil 
ghar biyaabaan huaa jaataa hai
 
saaz-o-saamaan kaa na honaa hii mujhe
saaz-o-saamaan huaa jaataa hai
 
dil se jaate hai.n mere sabr-o-qaraar
ghar ye viiraan huaa jaataa hai
 
dil kii rag_rag me.n samaa kar 'bedam'
dard to jaan huaa jaataa hai