dard-e-dil dard-e-vafaa dard-e-tamannaa kyaa hai
aap kyaa jaane.n mohabbat kaa takaazaa kyaa hai

bemuravvat bevafaa begaanaa-e-dil aap hai.n -2
aap maane yaa na maane mere qaatil aap hai.n
bemuravvat bevafaa

aap se shikavaa hai mujh ko Gair se shikavaa nahii.n -2
jaanatii huu.N dil me.n rakh lene ke qaabil aap hai.n
bemuravvat bevafaa

saa.Ns letii huu.N to yuu.N mahasuus hotaa hai mujhe -2
jaise mere dil kii har dha.Dakan me.n shaamil aap hai.n
bemuravvat bevafaa

Gam nahii.n jo laakh tuufaano.n se Takaraanaa pa.De -2
mai.n vo kashtii huu.N ki jis kashtii kaa saahil aap hai.n

bemuravvat bevafaa begaanaa-e-dil aap hai.n
aap maane yaa na maane mere qaatil aap hai.n
bemuravvat bevafaa